Bashkia Kamëz ndjek me shqetësim situatën e furnizimit me ujë të disa lagjeve të qytetit nga UKT sh.a, që në mënyrë arbitrare ka bërë ndërprerjen e herëpashershme të furnizimit me ujë të qytetarëve dhe të institucioneve.

Ju bëjmë me dije se Bashkia Kamëz hedh poshtë pretendimin për pjesën e debisë për të cilën UKT pretendon, pasi vlera që Ndërmarrja e Ujësjellësit Kamëz i detyrohet është shumë më e vogël.

Read more...

Kryeministri Berisha, i shoqëruar nga kryetari i Bashkisë së Kamzës, zoti Xhelal Mziu, dhe deputeti i zonës, zoti Myqerem Tafaj, vizitoi dje në mbrëmje familjen e nëntetarit Aleksandër Peci, efektiv i forcave të kontingjentit “Eagle 4”, në Afganistan, i cili u plagos një ditë më parë në Kandahar.

Në bisedën me familjarët, Kryeministri Berisha u shpreh se gjendja e Aleksandrit është përmirësuar dhe të dhënat e deritanishme japin shpresë se ai do të bëhet mirë. Duke vlerësuar misionin fisnik që Aleksandri dhe kolegët e tij po realizojnë në Afganistan, Kryeministri tha se në këtë detyrë të rëndësishme ata përfaqësojnë me dinjitet vendin dhe kombin shqiptar.

Read more...

Marrin pjesë Kryeparlamentarja znj. Jozefina Topalli dhe kryebashkiaku i Kamzës, z. Xhelal Mziu

Në kishën katolike të Bathores, dje pasdite u mbajt një meshë për nder të misionarit paqeruajtës, nëntetar Aleksandër Pecit. Merrnin pjesë Kryetarja e Kuvendit, znj. Jozefina Topalli, kryebashkiaku i Kamzës, z. Xhelal Mziu, familjarë e të afërm të familjes së tij si dhe të gjithë besimtarët katolikë të Bashkisë së Kamzës.

Read more...

Këshilli Bashkiak i qytetit Kamëz, në një mbledhje urgjente me propozim të kryetarit të Bashkisë Kamëz, z. Xhelal Mziu, vendosi të shpallë “Qytetar Nderi” të Kamzës, z. Aleksandër Jak Peci, i cili teksa ishte në krye të detyrës me forcat paqeruajtëse në Kandahar, Afganistan u ndesh me një bandë ku mbeti i plagosur rëndë ndërsa komandanti i tij, z. Feti Vogli, mbeti i vdekur.

Read more...

Bashkia Kamëz i vjen në ndihmë familjes së komandos Aleksander Peci, që mbeti i plagosur rëndë në Kandahar, duke i akorduar një ndihmë financiare prej 100000 lekësh. Kjo ndihmë financiare me propozim të Kryetarit të Bashkisë Kamëz Z. Xhelal Mziu u vendos nga Këshilli Bashkiak që t’i akordohej familjes Peci.

Nëntetar Aleksandër Jak Peci, është banues në lagjen nr. 3 Bathore, Kamëz. Pasi mbaroi shkollën e mesme në Bathore, është titulluar ushtarak aktiv me gradën "Profesionist i parë", në repartin ushtarak nr. 1001.

Read more...

Kryetari i Bashkisë Kamëz Z. Xhelal Mziu vizitoi sot familjen e komandos se plagosur në krye të detyrës gjatë një sulmi në Kandahar, Afganistan duke u ofruar mbështetje familjarëve të tij. Z. Mziu uroi një shërim të shpejtë për djalin e tyre dhe aty pati rastin të dorëzonte edhe Titullin e Nderit “Qytetar Nderi i Kamzës” për komandon që pati një mision të madh patriotik, atë të ruajtjes së paqes me jetën e tij.

Read more...

Bashkia e Kamzës ka përkujtuar 21-vjetorin e rrëzimit të bustit të ish-diktatorit komunist të Shqipërisë, Enver Hoxha, i cili drejtoi për 45 vite me radhë dhunën më të egër ndaj popullit, ndaj fjalës së lirë të kundërshtarëve të regjimit të tij komunist.

Read more...

17 Shkurt, Dita e Pavarësisë së Kosovës. Në Shtëpinë e Bardhë, pikërisht në sallën e Asamblesë Komunale të Prizrenit u bë pritja e personaliteteve më të larta të Kosovës për të shprehur urimet dhe përgëzimet e tyre me rastin e kësaj feste madhështorë të shpalljes së pavarësisë të shtetit më të ri, Kosovës. Në këtë eveniment madhështor, delegacioni i Bashkisë Kamëz me ftesë nga kryetari i Komunës së Prizrenit prof. dr. Ramadan Muja, u kryesua nga kryetari i bashkisë z. Xhelal Mziu, kryetari i Këshillit Bashkiak Kamëz, z. Bilbil Bajraktari, sekretar i Këshillit Bashkiak z. Sokol Ndreu, zv.kryetarët e Bashkisë Kamëz, z. Qemal Çejku dhe z. Vendim Demaj si dhe përfaqësues të tjerë nga departamentet e Bashkisë, u mirëpritën dhe u respektuan në këtë ditë solemne për Republikën e Kosovës.

Read more...